Shillong, Rymphang 26: ka jingduwai sngewlem ia u kpa bakhuid u khlieh jong ka balang katholik mynta ka sngi ha iing mane bah Laitumkhrah halor ka jingshah pynbud nam ka jong u ha kawei na ki kot khubor kaba la mih na kane ka nongbah Shillong kala long kaba ishongkun ha kaba da ki hajar ngut ki briew kila ia poi sha kane ka jingduwai ba kyrpang.
Kiba la poi sha kane ka jingduwai kaba kyrpang kam dei tang na ki riew ngeit jong ka Balang katholik hynrei ki long na baroh ki jaid bynriew khlem da don kata ka jingiasngew pher niam hynrei kila ia wan lang ban duwai ha kane ka sngi.
U Bishop jong ka Nongstoin Diocese u Rev Victor Lyngdoh, haba kren ha ki nongthoh khubor u la pynpaw ia ka jingsngewsih ka jong u ha kaba ia dei bad ka jingshah pynjah burom u khlieh jong ka balang. U la kyntu ia ki nongthoh khubor haba ki thoh ki dei ban da wad ia ka jingshisha.
Ha kane ka sngi la pynlong ruh ia ka jingiasoi kyrteng bad kane kan iai bteng haduh ka 2 tarik jong u Lber. Kane ka jingsoi kyrteng ban pynpaw pyrshah ia katei ka jingmihkhubor kam dei tang ha kane ka nongbah Shillong hynrei kan long habaroh kawei ka ri khasi jaintia.(SP News)
