Shillong, Naiwieng 23: ka jingrakhe ia ka sngi kut snem mynta ka sn
gi ka long kaba ishong kumno ha kaba la sdang ia kane ka sngi da ka jinglehniam leh rukom ha iing seng ha Mawkhar ha ka por mynstep da ka jingduwai jingphirat na ki rangbah ki san jong ka seng.
Ia ka jingiaid paidbah la sdang na Madan Iewrynhep, Nongthymmai lyngba ka surok bah jong kane ka nongbah Shillong ha ryngkat ia ka rahnam ia ki jingtei jong u men ba rim bad pynkut ha madan weiking ha kaba ka jingialang paidbah ka long.
Kane ka sngi ka dei ka sngi kaba la kynmaw burom da ka seng khasi ia ki 16 ki riew rangbah kiba la ialeh kumno ban pynneh pynsah ia la ka jong ka Riti ka dustur na ka jingshah wan tyllep ha kiwei ki briew kiba wan na shiliang duriaw ha ka dur jong ka niam.
Kine ki rangbah ki la iohi ia ka jingman bad ki la seng ia kane ka seng kut snem palat spah snem mynshuwa bad ia kane ka sngi la kynmaw burom kyrpang da ka seng khasi man u snem.
Ha kum kane ka sngi la juh sneng juh khraw ia ki para kur para kha ban bat ia la ka jong ka tynrai. Ha kane ka sngi ym tang ba ka don ka jingsneng jong khraw hynrei la don ruh jingrwai na ki shnat bapher bapher bad la pynkut ruh da ka jingleh niam ka nguh ka dem ha Madan weiking.(SP News)
