Shillong, Iaiong 21: Ka jingialang ba shisien shi snem jong ka seng Khihlang kaba la ali sngi linter ka la kut mynta ka sngi ha Mawlongbna ha kaba da ki phew hajar ki paidbah ki la ia poi sha kane ka jingialang.
Kane ka jingialang ba kyrpang kaba la khot ia ki para kur parakha ka la sdang ha ka 19 tarik mynta u bnai da kaba thung ia u Mawbynna ba la wanrah na Jaintia Hills, U maw bynna u dei ka dak ka shin kaba kren shaphang ki khasi kaba ki la pyndon kam ban long ka dak na duh ki por kulang kumah.
Ha kum kane ka sngi la kyntu ia ki para kur para kha kiba dang bat ia la ka jong ka niam tynrai ba kin ri kyndong ia ka ban pynneh pynsah ia la ka jong ka riti ka dustur bad kane ka jingiakynhuh ka long ban ia kyntu ia kynpham iwei ia iwei pat ban bat ia la ka jong ka tynrai.
Ha kane ka sngi la pyni ia ki shad tynrai kiba ha rukom kiba u khun khasi khara u don.Ka jingiapynkhreh ia kane ka jingiakyduh lang kaba shisien shi snem ka la iaid baroh shi snem linter.(SP News)
