Shillong, Lber 10: ka jingiaseng paidbah ka khasi jaintia prysbetrian synod seping ka ba khadwei ha ka balang prysbetrian jaiaw golf link ha kane ka sngi da ki phew hajar ngut ki riew ngeit jong kane ka Balang ki la ia poi na kylleng jong ka Ri Khasi bad Jaintia.
Kane ka jingiaseng Synod ka dei ka jingiaseng kaba long shisien shi snem ha kaba ki riew ngeit jong ka baling kila ia wan na kylleng sawdong ban ia pynpaw ia ka jingialong kawei ka jong ki ha u Chirst.
Ha kane ka sngi ka la don ar tylli ka jingiaseng kawei ka long ha ka por mynstep bad kawei ka long ha ka por jan miet, ha kaba ki paidbah riew ngeit ki la ia shim bynta ha baroh ar tylli kine ki jingia seng.
Ha kane ka sngi ka la don ka jingsneng ka jingkyntu ia ki khun khristan da ki nongkren bapher bapher ka jingia seng ka long kaba shong kun ha kaba ki la don ruh ki jingrwai kiba kyrpang ban pynhun ia kane ka sngi.(SP News)
