Shillong, July 16: Sa shisien ka GVK EMRI ia kaba la tip kum ka 108 mynta ka sngi ka la ai ka jingiarap kaba ym lah ban thew ia kawei ka samla ha ka jylla Nagaland, Dimapur ha kaba lyngba jong ka EMRI Shillong la lah ban pynlait ia ka na ka jingshah rabor bad leh beijot da u wei u briew.
Kawei ka samla na Dimapur ka la phone sha ka number 108 bad kane kala poi sha kane ka jylla Meghalaya, ha kane ka por kane ka samla ka la pyntip ba ka la shah rah bor ha u wei u briew. Na ka liang jong kiba don ha ka 108 ki la pyntip sha ki pulit bad ki pulit jong ka jylla Meghalaya sha ki pulit jong ka jylla Nagaland ha Dimapur.
Katkum ka jingpynlait khubor na ka liang jong ka EMRI mynta ka sngi ki la iathuh ba une u nongrah bor u la kit ia ka sha kawei ka hotel ha katei ka jaka bad u la leh beijot ia ka, ha ka juh ka por lyngba ka phone confrencig ki la ioh ban pyntip sha u kpa jong kane ka samla.
Ha dien ba ka la lait ban phet na katei ka hotel la bthah ia kaba kan leit beit sha kano kano ka police station kaba jan ban pyntip, kane ka samla kala leit sha East Town police Stationha kaba la kem ia u tei u nongleh beijot. La ong u ERO u Alleans Sangma,
Kum kine ki jaid phone ki juhpoi na ka por sha ka por ha kane ka number 108 kum na ka jylla Assam bad na kiwei ki jylla jong ka dong shatei lam mih ngi jong ka Ri India,ha kane ka kynti ka jingpoi kane ka phone sha ka 108 kala iarap ban pynlait im ia katei ka samla.(SP News)
