Tura, Jymmang 26: U president jong ka National People’s party U Purno Agitok Sangma u la ai ka jingiaroh ia kane ka sorkar kaba la khlieh da u Narendra Modi kum u myntri rangbaduh jong ka Ri.
U Sangma u la ong ba ka dei ka kamram jong u myntri rangbah duh jong ka Ri ia no ban shim ha ka kynhun myntri jong u da kaba shim ia ka dong bad ka thain jong ka Ri baroh kawei. U la ong ba kum ki nogmih khmat paidbah yn trei na ka bynta ban wanrah ia ka jingdon kam jong ki.
U Purno u wei na ki MP jong ka Ri u ba la bat bun ki kam ha kip or kiba la dep kynthup ruh ia ka kam speaker jong ka iingdorbar jong ka Ri India u la ong ba u la dep kren ia u myntri ranbah duh jong ka Ri India ba un ai ka jingkyrshan ha baroh ki liang ia kane ka sorkar kaba thymmai hapoh ka jingialam jong u Modi.
Ka seng NPP bad ka NERPF kila ia leh ia ka elelction hapoh ka lama jong ka NDA na kane ka dong shatei lam mih ngi jong ka Ri India, kumba ka long mynta kine ki nongialam na NE baroh ar ngut u Sangma bad u Rio ki dang don ka jingkyrmen ba kin ioh ban long myntri ha kane ka sorkar jong u Modi.
U Purno ym shym la lah ban leit ia shim bynta ha kane ka jingshim smai jong u Modi kum u myntri rangbahduh jong ka Ri mynta ka sngi na ka daw jong ka jingshimtom jong u ha ka kjat kaba ym pat lah ban iaid jngai. U la kular ia u Modi ba ia treilang ha baroh ki liang khatam ha kaba ia dei bad ka dang shatei lam mih ngi jong ka Ri India.(SP News)
