Shillong Iaiong 30: Ia ka jinglut kaba thikna ha kaba ia dei bad ka jingshna ia ka Myntdu Leshka hydel Power project haduh mynta ym pat lah ban ai ia ka jingkhein kaba thin
kna namar ba dang pynbeit ryntih. La ong u Bah E Lyngdh Director ba dei peit ia ka jingpynmih bording.
Ka jinglut kumba ki la buh jingkhein T. 1173.13 klur ka dei kaba la shim haduh u snem 2010, ia ka jingkhien kabas thikna pat yn sa lah ban ioh haduh ba kin da dep khien lut namar mynta ka jingkhien jingdiah ka dang iaid sha khmat.
Haba batai sha phang kane ka jaka pynmih bor ding u Director ba dei peit ia ka Generation u la ong ba ha ka por ba ka MeSEB ha kato ka por ka pynkhreh ia ka kaiphot kat haduh ba kin da ioh ia ka jingmynjur jng ka Central electricity authority (CEA) ha u snem 1999 ka long T.363.08 klur.
Hynrei ha ka por ba sdang trei pat ka long haduh u snem 2006 bad ha kane ka snem ka Central electricity authority (CEA) ka la pynkiew ia ka dor jong kane ka jaka pynmih bor ding sha ka T.671.29 klur, ha dien ba la pyniar ia kane ka jaka pynmih bor ding na ka shi unit sha ka lai unit ha u snem 2009 la pynheh ia ka dor jong ka sha ka T.965.93 klur bad haduh u snem 2010 ha kaba la pyntrei kam ia ka Unit kaba nyngkong ka jinglut ka la poi sha ka T.1173.13 klur.
Ka jingkiew ka dor jong kane ka jaka pynmih bor ding ka long na ki ba bun ki daw kiba ym lah ban kiar. Kaba nyngkong ka long ba ia ka kaiphot jong ka MeSEB la kyntait bad la ai da kawei na ka CEA bad ka jingbym lah ban trei ha ka por slap bad kaba la pynduh palat ka dei ka jingshlei um ha u snem 2010 ha u bnai Jymmang.(SP News)
