Shillong, Rymphang 25: Ka Excutive Committee jong ki nongkitkam, na ka kynhun ka All Meghalaya Primary Teachers’ Association (AMPSTA) kala shim ia ka rai ban ai ka jingkyrshan ia ki 246 ngut ki nonghikai skul kiba dei jong ka sorkar kiba la shah thung kam ha ka sorkar ha u snem 2010.
Katei ka seng ka la pynpaew ia ka jingsngewlyngoh ka jong ki ban iohi ba hadien ba kine ki nonghikai ki la ai ia ka jingshakri kaba la saw snem kynthih, kynsan kynsan mynta u snem ka tand pule puthi kala pan jingpynshai kynsan na kitei ki nonghikai halor ka nongrim, balei bym long ban beh kam ia ki, namar katkum ka jinglap sabut ki High Level Scrutiny Committee ba kine ki nonghikai ki ioh ia ka kam hikai da kaba khlem nongeim.
Ka AMPSTA shen kan sa buh ia ka tarik ban pynlong ia ka jingiakhih ban kyrpad ia ka sorkar bad ia ki seng bhalang ban da pyrkhat bad puson bha shano kine ki nonghikai kin leit ha dien ba ki la shah pynduh kam bad aiu kan jia ia ki.
Ka Seng ka dawa ruh ia ka High Level Scrutiny Committee ban ai ki sbut kiba biang ba kine ki 246 ngut kidei ki nonghikai ba la ioh kam da ki buit bymman. Ia ka tarik ban pynlong ia ki jingiakhih yn sa pyntikna ha dien.(SP News)
