Shillong, Kyllalyngkot 14: Ka seng CSWO ka pynrem jur ia ka jingshah sait iap jong ki dkhot ka seng ANVC (B) ha ki pulit jong ka Tura. Na ka liang jong ka seng ka dawa ba dei ban phah tohkit ia kane ka jingjia ha ka CBI namamr ba ki don ki politician kiba la pynheh pynsan ia ki samla ban leh ia ki kam poh jaid pohrati na ka bynta jong ki bad ynda ki la dep ka kam jong ki sa pyniap pat ia ki, la kynnoh ka CSWO
Kane ka jingjia ka jia ka long thik kumba jia ia u Fullmoon Dhar bad ha dien la pyniap pat ia u bad u Mukesh K Singh u ba long u SP jong ka Tura, na ka liang jong ka CSWO ka ong ba kane kam dei ka jingiasiat hynrei ka dei ka jingpyniap ia ki namar ka don kaei kaei sha dien jong ka.
Ka CSWO kala kynnoh ba dei ki politician kiba la seng ia ka seng lehnoh HLF ha u snem 2009 hynrei la pyndam noh ia ka namar ka dei ka seng kaba la seng da ki politician. Ia kine kiei kiei baroh la buhrieh noh namar ki don ki briew kiba don bor.
Ha ka juh ka porn a ka liang jong ka CSWO ka kyntu ia ki seng lehnoh ba kin wan sha khmat na ka bynta ban ia kren ia suk bad ka sorkar na ka bynta ka jingbha bad ka jingmyntoi jong ki paidbah. Ka CSWO ka la kynnoh ba ki politician bad ki heh sorkar lem bad ki pulit kim kwah ban pynbeit ia ki kam lehnoh namar ka don ka pisa kaba ki lah ban pyndon kam katba ki mon.
Ka jingong jong u Commisisoner bad Secretary ka tand kam poh iing jong ka jylla ka long kaba ym lah ban pdiang ban ong bay m lah ban khot sha ka jingiakren ia suk. Na ka liang jong ka CSWO ka ong ba u kynrad u don ban peit ia kiei kiei baroh bad kiba leh palat pud kin ioh la ka bianong.(SP News)
