Shillong, Jylliew 24: Ka seng Civil Society Women’s Organization (CSWO) mynta ka sngi ka la phah da ka jingthoh sha u Chief Secretary jong ka jylla u Bah WMS Pariat ba u dei ban thad paidbah ia ka jingtohkit halor ka “Shillong Jailbreak” Kaba la leh da u (L) Justice Rajkhowa ia kaba u la dep ban ai ia ka kaiphot sha ka sorkar Meghalaya ha u kyllalyngkot mynta u bnai.
Ha kane ka shithi na ka liang jong ka kong Agnes Kharshiing ka la ong ba ka election ka la dep bad ka iing dorbar ruh ka dep banshong ka por ka la dei ban ia kane ka jingthohkit dei ban thad madan ban ia tip paidbah ia ka jingshisha.
Na ka liang jong ka CSWO kala ong ba lada ka sorkar ka pynslem ban thad madan ia kane ka jingthoh kit ka long ba ka sorkar ka kwah ban iada rap jot ia ki briew kiba la shah kdew ha ka jingtohkit lada ka don. Kum u Chief Secrtary ym dei ban don kano kano ka jingshah ialam bakla ha ka liang sain hima sima.(SP News)
