Shillong 5 Nailar: Ka Hynniewtrep National People Movement ka dawa na
Chief Executive Member (CEM) ka Khasi Hills Autonomous District
Council (KHADC) ban thaw noh da ka ain ban khang ia kiba shongkha kleh ia ki
kynthei bad ki shynrang bym dei khasi, la ong ka kyrwoh ba la pyllait
da u Vice President ka HNPM u Bah R Donshiew.
Ha ka jingpyllait khubor u President ka HNPM u la ong ba ka seng
ka la ai ia ka dorkhas sha u CEM ha ka 1 tarik mynta u bnai shaphang ka
jingdonkam ban thaw noh da ka kynja ain ban iada ia ka shongkha khleh
ia ki kynthei khasi.
Ka seng ka la pynpaw ha u CEM kane ka jingshongkha khleh ka pynshong syier ia ka jaidbynriew khasi, kadei ka jingshong kha khleh ia ki wei pat ki jaitbynriew bym dei khasi kane kadei kawei ka daw bah daw san kaba ktah mationg iaka.
Ka jinglaitlan palat jong ki kynthei khasi ban shongkha khleh ka long
kum ka jingaimynsiem ia ki wei pat ki jaitbynriew ha kaba u
khyllah jait u pyndonkam ia ki kynthei khasi tang kum ka mar khaii
laisen ban lum spah lum phew.
U briew u ba nabar ri ruh u la leh trai khlieh ha kane ka ri
kumba la paw ha ka jingkhynra trading laisen ka KHADC, la ong u Vice
President ka HNPM.
Kumjuh ruh ka seng ka ai jingkyrshan ia ka EC ba la ialam da u Bah
Ardent ba kan iaid shakhmat ha ka jingtreikam jong ka na ka bynta ka
ri bad ka jaidbynriew.(SP News)
