Jowai, Nailar 27: Ka JSU & JYF ki pynpaw ia ka jingsngewkhia halor kqa jingshah kemjongu president bad u Finance secretary jong ka MPUF tang namar ba ki bat ia ki suba mender ne bar jylla kiba wan rung kulmar sha poh ka ri lum jaintia khlem da don ki kot ki sla kiba biang ban pynshisha ialade ba ki dei ki nong India.
Ha ka jingshisha ka MPUF ka la leh ia ka ba dei eh ban iada ia ka ri bad ka jaitbynriew da ka ba khanglad ia ki briew kiba na bar ban wan rung kulmar khlem da pynbiang shwa ia ki kot ki sla ki ba donkam katkum na ka bynta ban pynithuh ialade kum ki nong india, hynrei tang na I daw barit eh ba ki khlem aiti ia kine ki mender sha ki pulit ka pynlong pynban ia ki pulit ban kem khlem ia u President bad ia u Finance Secretary jong ka MPUF.
Shuh shuh ym tang katta wat hadien ba kine ki arngut ba ki la shah kem ha kaba u President u la lait jamin noh katta ruh ki pulit ki dang thwet sa ia kiwei pat ki member haduh mynta, Kumta na ka liang jong ngi ka JSU & JYF ngi dawa jur na ki bor jong kaain ban sangeh noh shisyndon ia kane ka jingthwet ne kem ia ki member jong ka MPUF.
Khnang ba kan nym mih kano kano ka jingia bym ia sngewthuh jingmut bad ki bor jong ka ain. Lada ka jingthwet ka dang bteng ia ki dkhot jong ka MPUF, na ka liang ka JSU bad JYF kim banse ban shong pyrkhat ban shim da kiwei pat ki lad ki lynti namar kane kam dei eh ka kam kaba ki pulit ki hap ban duh thiah duh dem haduh katne katne ong kitei ki nongialam sengbhalang.(SP News)
