Jowai, Naitung 23: Ki ar tylli ki Seng bhalang na ri lum jaintia ka JSU&JYF hadien ba ki la ioh ka jing ujor na ki ba ha ing ha sem jong kawei ka khynnah ba shong shakri bad kawei ka nonghikai skul ha jowai, ki pynpaw ia ka jingsngew bymlah ban pdiang ia ka jingleh tohmet jong kawei ka nonghikai skul ia la ka nongtrei ing kaba dang 9 snem ka rta kaba la shah shoh pyn mynsaw haduh ba ka la jngem lut ka met ka phad jong ka na ka tei ka nonghikai.
Ki nongialam jong kitei ki ar tylli ki Sengbhalang da kawei jingmut ki la ia shimkhia ban ia thir ia ka ne ka jingjia ha kaba ia dei bad ka tei ka jingujor na ki ba ha ing ha sem jong ka tei ka khynna ka rta ka ba dei ka khun jong ka kong Khambha Phawa bad u Ma Rihok Suiam (Kpa) kiba dei na ka shnong Iooksi. West jaintia hills.
Kat kum ka jingiathuh ki kmie ki kpa jong ka ne ka khynnah ha ki tei ki nongialam ki ong ba ka Ms. Riplin Phawa (Head Mistress) jong ka Faith Academy School kaba don ha Salaroh, Jowai ka la wan ha ing ban
pan bor na ki ba lada ki shah ba kan ialam sha Jowai ia ka khynnah ban shong ban sah bad ka, kan pynleit skul bad kit khlieh hi ma ka na dong sha dong,
Na ka liang jong ki ruh kum ki Kmie ki Kpa jong ka tei ka khynnah ki pdiang ia ka jingtyrwa jong ka tei ka Ms. Riplin Phawa (Head Mistress), ha ka jingduk bad kyrduh ka longing long sem, da ka jingsngew shaniah namar ba ka dang ia dei kur bad ki, da ka jingkmen ba ka khun jong ki kan ioh ban leit skul bad ioh jingstad ynda ka la heh la san ki ai noh ia ka khun jong ki ba kan leit shong sah bad ka
ha Mookyrdup, Ladthadlaboh Jowai.
Hynrei ka long pynban markhongpong bad ka jingiakren ong ka kong Khambha Phawa (Kmie) jong ka tei ka khynnah, ba ynda ka la poi ha jowai ka tei ka Ms. Riplin Phawa (Head Mistress) ka la pyntrei kam ing
kam sem pynban ia ka bad ka shoh ka bom man ka sngi ia ka tei ka khynnah, hynrei kam ju nud ban iathuh ha ing kmie namar ka tieng ia ka tei ka nonghikai.
Ha kawei ka sngi katba ka dang shoh pynmynsaw bha ia ka tei ka khynnah ka ba la jngem lut ka met ka phad bad sheptieng ia ka tei ka nonghikai skul ka la iam rangbah kat haduh ba la iohsngew ki para marjan bad wut wut ki pyntip sha ka Dr.J. Chullai (Chair Person jong ka Child Welfare
Committee) ha Jaintia hills ban tuklar halor kane ka jingjia shah lehbein kane ka khynnah rit ba dang 9 snem ka rta ka ba la i synei shisha ong Samla R.N Parien President ka JSU.
Hynrei ynda la wan ka Dr.J.Chullai (Chair Person jong ka Child Welfare Committee) ha ka jaka ba kan shim ka jingkit khlieh ban tohkit bniah halor ka ne ka jingshoh jingbom ka Ms. Riplin Phawa (Head Mistress) ia ka ne ka khynnah ka iaishah pynban ia ka ne ka nonghikai namar ka dei
ka nonghikai ba hikai ha Faith Academy School ka dei ka skul jong ka.
Shuh shuh la ong ki tei ki ba ha ing ha sem jong ka tei ka khynnah ba ka Dr.J. Chullai (Chair Person jong ka Child Welfare Committee) ban lait na kine ki ei ki ei baroh ban paw shabar ioh ba tip noh ki seng bhalang, ka leit ialam noh wut wut ia kane ka khynnah sha Shillong
Bad ka ba sngewsih eh ka long ba ka Dr.J.Chullai ka ia shah liang na ka tei ka nonghikai, bad pyntieng shuh shuh ia ka tei ka khynnah ba ka dei kaba dakaid, nongtuh bad ngan sa phah kem pulit ia pha ka ong
pynban kumta kat haduh ba ka ne ka khynnah kaba la khynniuh da ka jingtieng ka la ktah ia ka bor pyrkhat jong ka kum ka khynnah kaba dang donkam ban hikai ha ka lynti kaba dei la ong u bah P.Majaw
President ka JYF.
Kumta halor kane ka jingjia, na ka liang kine ki ar seng ki pynrem jur ia kane ka nonghikai Ms. Riplin Phawa (Head Mistress) bad ia ka Dr.J. Chullai (Chair Person jong ka Child Welfare Committee) ba ki ibein bad niewbein ia ka ne ka khynnah ba wan na ka long ing ba duk bad kyrduh, kumjuh ruh ngi dawa jur na Sorkar jylla ban pynduh pyndam noh shisyndor ia ka jinglong Chair person ka Dr.J.Chullai na ka CWC khnang ban ioh da ki briew kiba don ka mynsiem kit khlieh ban weng ia ki jingeh khlem ia shah liang shano shano ruh ong ki tei ki nongialam.(SP News)
