Tura, Jymmang 23: Ka seng lehnoh Garo National Liberation Army mynta ka sngi ha ka jingpynlait khubor jong u political affair sectrtary jong katei ka seng kala dawa ba ka sorkar ka dei ban phah tohkit ia kane ka jingshah pyniap jong u Balsan S Marak ha ka CBI ban lap ia ka jingshisha baroh, lada ka sorkar kam lah ban leh ia kane ka seng kan khot da ka pakhang shnong kaba ar sngi ha ru lum garo.
U political affairs secretary,jong ka seng lehnoh u Bikdot Nikjang Marak ha ka jingpynlait khubor ka jong u mynta ka sngi u la kynnoh ba u Dr Mukul u dei u briew bym lah ban shaniah bad kane ka jingshah pyniap jong u Balsan ka dei ka jingshah rem ha kane ka MP Election kaba dang shu dep dei na kane ka daw ba ka seng ka dawa ba dei ban tohkit da ka CBI bad ia ka post mortem dei ban leh da ka hospital AIIMS la dawa u Bikdot. Ka seng GNLA kam lah ban pdiang ia ka kaiphot ba ai u Dr BC Paul.
Na ka liang jong ka GNLA ka kynnoh ba u SP Jong West Garo Hills, U Additional SP bad ki PSO jong kitei ki heh pulit kilah ban don kti ha kane ka jingjia. Dei na kane ka daw ba ka seng ka dawa ia ka jingthohkit ba dei ban long sha bar jong ka sorkar.(SP News
