Shillong Jymmang 21: Ka seng lehnoh Karbi People Liberation Tiger (KPLT) kala pyndik ia ki paidbah kiba shong ba sah ha ki thain Block II. Kane ka jingpyndik ka long da kaba dawa pisa na ki briew jong kane ka jaka.
U wei na ki rangbah shnong katei ka thain Mawlasnai, Umthlieh u la iathuh ba ka jingleh jong kine ki lehnoh kiba la wan kam ia ki jaka jong ka jylla Meghalaya ba ki hap hapoh jong ka Karbi Aanglong kila pyndik na ka por sha ka por da ka jingdawa pisa na ki paidbah.
U wei na ki rangbah shnong katei ka thain u la iathuh ba u la ioh ia ka phone na u Area Commander jong ka seng lehnoh KPLT, ha kaba u la dawa ba kawei kawei ka iing ka dei ban siew ha katei ka seng ar hajar tyngka.
Ha kane ka jingiakren la ong ba na ka liang jong u tei u Area Commander u la byrngem byrshit lada kim siew ia katei ka pisa kaba ki la buh, la ong ba ka seng lehnoh kala kynthoh ba kim don kam rangbah shnong ha katei ka thain namar ka hap hapoh jong ka Karbi Aanglong u la kam.(SP News)
