Shillong, Nailar 22: Ki nongialam jong ka seng KSU central body mynta ka sngi ki la leit ban ia kynduh ia u Chief Secretary ka jylla u bah WMS pariat ban dawa na u ba dei ban pynjlan ia ka por jong ka result jong ka DSC Nongstoin kaba la long ha u snem 2010.
Na ka liang jong ka KSU ka la shim khia ia kane ka jingjia namar ki samla hapoh jong katei ka District mynta ki don hapdeng ka jingiakhih da kaba shah thngan ban dawa na ka sorkar ban pynjlan shuh ia ka por jong ka result jong ka DSC kaba la pynlong da ka DSC Nongstoin.
Ha kane ka jingiakynduh na ka liang jong u Chief Secretary u la ong ha ki nongialam jogn ka KSU ba ka sorkar ka la dep ban pynkhreh hynrei ki dang hap ban ap ia ka jingmynjur jong u myntri rangbah ka jylla u ba don sha bar jong ka Ri India.
Na ka liang jong ka KSU ka kyntu ia ki samla kiba don hapdeng ka jingshah thngan ba kin weng noh ia kane ka jingiakhih ka jong ki namar ka sorkar ka la pynkreh ban pynjlan shuh ia ka por jong katei ka result.(SP News)
