Shillong, Naitung 05: ka parliamentary standing committee (PSC) kaba ia dei bad ka jingeh jong ki paidbah mynta ka sngi ka la pynlong ia ka jingialang hapoh kane ka nongbah Shillong na ka bynta ki jylla jong ka dongshatei lam mih ngi jong ka Ri India, kaba kyntup ia ka jylla Assam, Arunachal Pradesh, Nagaland, Manipur, Mizoram, Tripura bad Meghalaya.
Haba kren ha ki nongthoh khubor ha dien jong kane ka jingialang na ka liang jong u chiamran jong ka Parliamentary Standing Committee u Shantaram Naik u la ong ba kane ka jingialang ka la wanrah bun kiei kiei ki jingmyntoi kaba ki la ioh na kane ka jingialang kaba la long mynta ka sngi ha Shillong.
Na ka liang jong u Naik u la iathuh ba ha kane ka jingialang mynta ka sngi baroh ki seng sain pyrthei kiba la wan ban ia shim bynta ha kane ka jingialang ki la dawa ba dei ban pynduh noh ia ka jingpyndon ia ki kor Electronic Voting Machine, ha kaba ka Committee kan sa rah ia kane ka jingdawa ka jong ki bad kibor ba dei peit.
Ha kane ka jingialang la ia kren ruh ia ka jingpyndon kam da ka bor jong ka pisa ha ka por election. Ha ka juh ka por na ka liang jong ka Committee ruh ka la pynpaw ba la ka Code of Conduct ka lah ne em ban long shi bynta na ka kyndon election.
Kaneka Committee kaba la dep pynlong ia kum kine ki jingialang ha kiwei ki bynta jong ka Ri India kan sa ai ia kane ka kaiphot sha ka ing dorbar jong ka Ri India ( Parliament) ha kane ka sien shong dorbar ka ban wan.(SP News)
