Shillong, Naitung 07: Ki Bor shipai mynta ka sngi ki la kyntait mor dor ia ka jingkynnoh ba ki shipai Assam Rifles ki la ktah kti ia ki pulit ha Assam Bazar, ha ka jingpynlait khubor mynta ka sngi na ka liang jong ki shipai kila kynnoh kylla ba dei ki pulit kiba la shoh ia u wei na ki shipai u ba don ka jingduna ha ka met jong u.
Katkum ka khubor kaba la phah da ki bor shipai la ong ba u Sarabjit Thapa u dei u shipai u ba don ka jingduna ha ka met jong u ha kaba u hap ba iaid da ka jingkyrshan jong ki diengduh. Ha kane ka por une u shipai u la leit ban thied jingthied na katei ka jaka bad u la ur bad leit ban hap ha uwei na ki pulit ba don ha katei ka jaka.
Khlem kylli ia ka duh ka dang na ka liang jong ki pulit ki la tied ia une u shipai kane ka long ka jingpynshai jong ki shipai. Ha ka juh ka por ki shipai Assam Riffle kiba don ha katei ka jaka ki la iohi ia kane bad ki la iarap ia u briew jong ki ha kane ka por kumba 15 bad 20 ngut ki pulit ki la poi bad ki la rah ia u Kamal Gurung sha police station.
Haba u Army Duty Officer, Capt Vikrant Sharma u la tip ia kane bad u la leit ban sei ia u tei u para shipai na ka kti jong ki pulit ha dien ba u la shah shoh ha ki pulit ki la kynnoh kylla. Na ka liang jong ki shipai ruh ki la ai ia ka FIR pyrshah ia kitei ki pulit bad ki la phah ia kane ka jingtip sha ki bor ba halor jong ki pulit bad ki la dawa kylla ba dei ban pynshitom ia kito ki pulit ba la don kti ha kane ka kam shi ia ki shipai.(SP News)
