Shillong, Lber 26: Ka seng Meghalaya Peoples Human Rights Council (MPHRC) ka la dawa na ka sorkar ba ka dei ban phah tohkit halor ka jingiap jong I khunlung ha Lawmali Hospital bad ia kane ka kaiphot dei ban ai haka por kaba biang.
Naka liang jong ka MPHRC ka ong ba lada ka jingkynnoh pyrshah ia ki bor jong ka hospital ka long kaba shisha kane ka jingjia ka long pyrshah ia ka hok long briew man briew, la ong u Bah Pynskhem Syiemlieh nongaiktien jong ka seng.
U Bah Syiemlieh u la ong ba lada kane ka jingjia ka long kaba shisha, katkum ka rai jong ka iing bishar ba ha khliehduh jong ka Ri India ka ong ba ka ia ryngkat bad ka kam runar.(SP News)
