Shillong, Naiwieng 06: Ka president jong ka CSWO ka kong Agnes Kharshiing mynta ka sngi ka la phah ia ka khubor sngewlem sha kiba ha iing jong ki san ngut ki pulit kiba la khlad ha ka jingshah ther kuli ha ki briew kiba ym lah ban tip ha Garo Hills.
Na ka liang jong ka seng ka dawa ba ka sorkar ka dei ban phah tohkit ia kane ka jingjia, katkum ka jingtip jong ka seng la ong ba u nongiah ia kane ka kali ym dei na ka tand pulit hynrei u dei na ka tand pynlip ding bad ka kali kaba la phah kam dei ka Bulet Proof.
Na ka liang jong ka CSWO ka kynnoh ba kane ka jingjia baroh ka don kaei kaei sha lyndet bad la kynnoh ba ha katei ka por kaba jia ka mobilejong u DC bad SP jong ka South Garo Hills ki khang, la kynnoh kane ka seng ki long kmie ka KSWO.
Ka CSWO ka ong ba kine ki heh pulit ki bun kam ha kaba pynbiang ai jingiada ia ki politician bad ia ki heh sorkar katba ia ki briew kiba don sha ki jaka ba ma kim don por shuh ban peit. La ong ba ha Shillong ba bun briew la pynbiang lut ki lad jingiada ha kaba rah ia ki nongthuh nonglute.
Ka long kaei kaei kaba phylla ba ha kane ka jingjia ym shym don ba lait im wat tang u wei na kiba ia leit lang. Ban lap ia ki jingshisha baroh dei ban phah tohkit ha ka rukom kaba dei ia kane ka jingjia la ong ka CSWO.(SP News)
