Shillong, Risaw 12: U bah Sanbor shullai u ba dei ruh u Deputy Speaker jong ka iing dorbar thawain ka jylla u la dawa na ka long Roshan Warjri myntri kam poh iing ka jylla ba ki briew kiba kawang petrol bomb ia ka jaka mane blei ha Umsnoiang dei ban kem mardor.
U Bah Sonbor u la ong ba “ Nga ha ka kyrteng jong ki paidbah kane ka jylla nga pynrem jur ia kane ka jingleh namar kane ka dei kam jong ki riew khlaw nga ong ba kane ka dei ka kam khawpud”.
Kane ka jingleh ka long kaba yn nym lah ban pdiang da lei ei ruh em namar ka ktah ia ka jingsngew kiba bun balang ha ka niam. Kam don kawei ruh ka niam kaba hikai ban pynmang ia kiwei. Kane ka jingleh ka long kaba yn nym lah ban pdiang.
Kum kine ki jingjia ki la pynsiew ia ka dur ka dar jong ka jylla baroh kawei. Ia kum kine ki jingjia ym dei ban ailad, u la ong ba ka sorkar ka dei ban leh tyngeh ia kum kine ki briew kiba la pynthud ia ka leh niam leh rukom.(SP News)
