Shillong, Jymmang 30: Ka Arusha M. Sangma ka la leit ban aid a ka jingujor sha ki pulit jong ka Laitumkhrah Police Station ba ha ka 26 tarik mynta u bnai u wei u briew u ba la pynithuhia lade kum u Kunal Ch Momin u la dawa na ka T. 5 lak tyngka da kaba shu phone.
La ong ba une u nongdawa u la byrngem byrsit ia ka ba lada kam siew ia katei ka pisa yn rah bad bad ban pynshitom ia ka.
Ha kawei pat ka jingjia ki pulit mynta ka sngi ha ka por 12.30 baje shiteng synia ki la phah pynsangeh ia kawei ka kali Tata Indica kaba don ia u ML-05E-6273 ia kaba la niah da u Rahul Biswa.
Kane ka kali ha ka jaka ba kan sangeh kala phet krad na ki pulit. Haba iohi ia kane na ka liang jong ki pulit ki la beh kthong ia ka bad u nongniah u la tynrah ia ka kali pulit, ha kane ka jingiatynrah na ka liang jong u nongniah u la phet krad ia lade bad ieh ia ki nongshong kali.
Na kane kali ki pulit ki la ioh ban bat saw ngut ki kynthei kawei ka khynnah kaba dang 17 snem karta katba kiwei pat ki kynthup ia ka samla Carry Diengdoh 20 , ka samla Alana Mawphlang 21 bad ka samla Suzana Diengdoh 28.(SP News)
