Dei ban ai 12 tylli ki tyndong lyer ha Meghalaya

Shillong, 29 Risaw: U President jong ka seng ka  HPSO u Bah Kyrshan War u la ong ba ka sorkar Meghalaya ka dei ban pynioh khatar tylli ki tyndong lyer ha kane ka jylla Meghalaya katkum ka jingdon kam jongki paidbah namar ha ki jaka khriat ka kham lut bun ka Gas ban ia nujor bad ki jaka rithor kiba long shit ka suin bneng.

Haba kren ha u SP News, u tei u nongialam jong ka seng bhalang u la ong ba kumba ka long ha kiwei ki jylla kiba la synshar da ka seng Congress ki paidbah ki ioh khyndai tylli ki tyndong lyer, hynriew tylli na ka sorkar pdeng bad lai tylli ki bei ki sorkar jylla katba ha kane kajylla Meghalaya kaba la ialam da ka seng Congress ym pat iohi dak ba kan pyntrei kam.

U tei u nongialam u buh ka jingkylli kane ka sorkar Congress balei ka Congress ha Meghalaya kam kohnguh ia ka hukum jong ka AICC, haba man ka poor ki long kiba kohnguh sneng ha kiba bun ki bynta katba bthah na ka AICC ki leh ia kaba don kam, hynrei ha kaba ia dei bad kane ka jingai tyndong lyer sha ki paidbah pat ka sngap jar jar.

Haba ia dei bad ka jinglut lada ai palat ia kaba la mang da ka sorkar pdeng u bah Kyrshan u la ong ba ka dei ban tip hi ka sorkar na ei ban ioh pisa. Ki paidbah ki don kam ia ka Gas na ka bynta ban shet jingshet khamtam ha kane ka nongbah Shillong. Ka leh kmen krismas kane kala jan ha kaba ki paidbah ki don kam ia ka Gas.

Ha kiwei ki jylla kiba la synhar da ka seng Congress ki la kohnguh ia ka jingbthah jong ki bor ba ha khlieh duh jong ka seng ban aitam s alai tylli ki tyngdong lyer ha kaba ia ka jingaiiarap sha ki paidbah ka hap ban kit hi ka sorkar jylla. Dei halor kane ba ka seng ka dawa ba ha Meghalaya dei ban ai khatar tylli ki tyngdong lyer ia kaba duna ai ka sorkar jylla kan wad lad ban sei ia ka pisa kaba don kam.(SP News)