Shillong, Nohprah 10: Mynta ka sngi ka dei ka sngi kaba ka pyr
thei baroh kawei ka rakhe ia ka sngi burom ia ka hok long briew man briew ia kaba la pdiang da ka dorbar bah jong ka pyrthei lyngba jong ka “Universal Declaration of Human Rights” (UDHR) ha u snem 1948 bad la ong ba kane ka dei ka hok jong u briew ba un ioh ia ka jingiada kaba yn nym lah ban shim noh na u ne ka briew.
Kane ka jingrakhe ia ka sngi burom ia ka hok long briew man briew ha kane ka jylla Meghalaya ka long tang kum ka jingleh tang ban pyndep rukom, kin shu long ki jingialang jong ka sorkar, ne ka jingthoh, hynrei ka jingpynkhien ia ka hok long briew ka jylla bha ha kane ka jylla la ong ka TUR.
Wat la kane ka hok ban iada ia ka hok long briew man briew ka don hynrei ki bor sorkar ki pynkhein ia ka da kaba kyndang beain ia ki long iing kiba duk ba rangli ha Umsawli na ka bynta ban tei ia ka nongbah shillong kaba thymmai, ka jingiap jong ki briew ha thnad, ka jingkhanglad ban kren laitluid, ka jingpyniap da kaba shukor. Kine ki long ki nuksa yn lah ban jer kyrteng lut la ong ka TUR.
Ka sorkar Meghalaya ka la pynkhein ia ka hok long briew man briew da kaba pyndon kam ia ki ain yakjakor bad kita ki ain ki long ka Meghalaya Preventive Detention Act (MPDA), 1995 bad Meghalaya Maintenance of Public Order Act (MMPO). La kynnoh ba ia kine ki ar tylli ki ain la pyndon kam bakla da ki bor sorkar. (SP News)
