New Delhi Iaiong 04: Ka Asian Centre for Human Rights (ACHR) ha ka jingpynlait khubor ka jong ka mynta ka sngi ka la kynnoh ba ka ophis jong u president jong ka Ri India ka la kylla long tang kum ka muhor jong ka tnad kam poh iing jong ka sorkar pdeng.
Ha ka jubab jong ka tnad kam poh iing ha kaba ia dei bad ka RTI kaba la pan da ka ACHR la iathuh ba u president jong ka Ri India la ong ba ki dang sah khyndai tylli ki jingjur kiba la rai pynrem ban shu pyniap noh ia kiba shah mudui. Bad kita ki long u Jafar Ali (Uttar Pradesh), Dharam Pal (Haryana) Praveen Kumar (Karnataka), Sonia and Sanjeev (Haryana), Sunder Singh (Uttarakhand), Shivu bad bad kiwei de.
Na ka liang jong u Director jong ka ACHR u Suhas Chakma, u la ong ba katkum ka article kaba 72 jong ka Riti synsahr jong ka Ri India ka long ba ym lah ban shu rai kumto bad ka dei ban don ka lynti ban kait na kaba shu pyniap beit. Na ka liang ka ACHR ka ong ba ka sorkar India ka dei ban pynduh noh ia kane rai pynrem da kaba shu pyniap.(SP News)
