Shillong, Naiwieng 20: ka tnad ba dei peit ia ka um na ka sorkar pdeng kan pynlong ia ka jingiakop dro dur la shai ka sngi ha Anton Hall Shillong kane ka long ban pynsngewthuh ia ki briew ba dei ban sumar ia ki tyllong um.
Kane ka jingiakop dro dur kan long na ka bynta jong kito ki khynnah kiba dang pule ha ka klass IV haduh klass VI. La leh ia kane ka long ban hikai naduh ba ki dang khynnah ba ki briew kin sngewthuh ia ka jingkor dor jong ka Um.
Kumba ka long mynta ka sorkar pdeng ka dang shem jingeh ia ki briew ban pynbiang ia ka umbam umdih kaba biang la ha sor ne ki nongkyndong. Ban ioh ia ka um kaba khuid kaba suba don kam ia ki briew ban hikai kumno ban pynneh pynsah ia ki tyllong Um.
Kumba kalong mynta wat la ka pyrthei ka tip ba ka sorkar ka dei ka jaka ba jue slap bha ha kane ka sla pyrthei hynrei kane ka jaka ka don hapdeng ka jingkyrduh um kaba khraw. Dei na kane ka daw hap ban hikai ia ki briew kumno ban pynneh pynsah ia ki umbam umdih la ong u Dr MA Farooqi.(SP News)
