Shillong, Jymmang 27: U president jong ka seng sain pyrthei National People party (NPP) jong ka jylla Meghalaya State u Dr WR Kharlukhi u la ong ba ka jingmih ki seng lehnoh baroh ka dei na ka daw ba ka don ka jingkyrduh kam .
Haba kren ha u SP News Agency na ka liang jong u tei u nongialam jong ka NPP u la ong ba “ nai ia kdew kti hynrei to ngin wad ia la lad ka lynti kumno ban pynduh ia ki kam lehnoh” Ban pynduh ia ki kam lehnoh don kam ia ka policy kaba lah ban pynioh kam ioh jam ia ki samla. Kumba ka long mynta ka sorkar jylla kam don ia kata ka policy.
Ha ka juh ka por u la ong ba ha ka por ba ki don haka sorkar shisnem ha kapor ba ki dang don ha ka sorkar MUA kum ka seng NCP, u nongialam jong ki u P A Sangma u la pyrshang ban pynlong ia ka state planning board kum kawei na ki nongai buit ia ka sorkar ban wanrah ia ki policy trei hynrei ka khlem noh ka sorkar bad ka kut noh.
Haba jubab pat ia ki jingkylli, k jinpynrung ia ki khynnah rit ha ki kam lehnoh kam dei kaba thymmai hynrei kane ka jia ha baroh ki jylla jong ka dong shatei lam mih ngi jong ka Ri India bad ha kane ka jylla Meghalaya ruh.
U la ong ba ki kam lehnoh ha kane ka Ri India ki la mih ha ka daw jong ka jingiapher ha ka ioh ka kot bad ka dei ka jingbymdon ki kam pynroi. Ha India kumba ka long mynta u ba riewspah u la nang riewsphah bad u ba duk u la nang duk lada yn lah ban leh ei ei ia kane ki kam lehnoh ki dang iai don u la ong.(SP News)
