Shillong,Rymphang,03: U bah panbor Ryntathiang u balong u kyrtong na ka seng HSPDP haba ai jingkren ha ka jingialang kaba long ha Mawlai Nongkwar Basic school u la ong “ nga la don ka jingthrang ban long kum u nong mih khmat na ka bynta ka ri bad ka jait bynriew la bun bun snem,hynrei dei lyngba ka clean politic campain ka b ala pynlong ia nga ba ngan kyndit bynriew,bad pynkhih mynsiem, bad lyngba kane kaba la kyrsiewthiah ia nga kaba la pynlong ba ngan ia aireng ha ka election na ka bynta ka ri bad ka jait bynriew”.
“Haba nga peit iaka ri jong ngi kumba ju ong ka dei ka Ri kaba dap da ka dud bad ka ngap hynrei haba ngi peit hakine ki sngi ba mynta kam long kumta namar ak jinglong jong ka jaitbynriew jong ngi ka la don ha tmir jong ka jingma,bad la iohi ruh ba ngi la long mraw ha la ka jong ka ri kumta ka kumta phi ki paidbah phi dei ban ia stad haba jied ia ki nongmih khmat ,kum ka seng HSPDP ka dei ka seng jong ngi ki riewlum ka seng kaba la rim lada phi ki paidbah phi ia ibit ban ai jingkyrshan ia ngan trei hok na ka bynta ka ri bad ka jaitbynriew la ong shuh u bah Panbor”
“Kam long kaba suk ia nga lada phi ki paidbah phim ai ka jingkyrshan dei lyngba u paidbah u ban pynskhem dei lyngba u paidbah ba lah ban tei bad kyntiew ia ka ri bad ka jaitbynriew la pynkut u bah panbor”.
Ha kane ka jingialang da ki spah ngut ki briew kila ia poi ha kaba u Bah Ardent Basaiawmoit vice president ka seng HSPDP u la ai ia ka jingkren jong u ha kane ka sngi.(SP News)
