Shillong, Lber 22: U Bah Shibun Lyngdoh kyrtong jong ka seng BJP ban ia khun ha kane ka MP election ka ban long ha ka 9 tarik jong u bnai ban wan, u la ong ba u la shim ia kane ka rai ban ia khun ia kane ka election ka long ba u la I jlep ban peit ia kane ka jinglong ha ka sain pyrthei kaba mynta.
U ka kynthoh ba ka sain pyrthei mynta ka dei ka lad ban ia bamsap, u la ong ba ha ki jylla kiba ka synshar ka BJP u la iohi ba ka roi ka par ka sted namar kam kan ki kam bamsap bad ka jingangnud kaba nyngkong eh kaba ka BJP ka kwah ban long ban rat ia ki kam bamsap.
Ha kaba ia dei bad ka jop ka rem u tei u kyrtong ym shym la kren ei ei hynrei u la ong ba ka BJP ha kane ka kynti kaba mynta kan jop palat ia ka 272 ngut ki MP ban thaw ia ka sorkar ha Delhi bad u la ong ba ma u yn long u MP ba 273.
Haba phai sha Jaintia Hills u bah Shibun u la ong ba ki paidbah mynta kila sngewthuh ia ka jingshah pynjot jong ka mariang bad bad jingsniew kaba la mih na ka jingtih ia ki marpoh khyndew kiba khlem da leh katkum kane ka juk kaba mynta.
Haba ia dei bad ka ioh kam ioh jam u la ong ba don kam ia ki karkhana ha kane ka jylla ban long ka lad ioh kam ioh jam ia ki paidbah lem kumta ka jingbym don kam kan dang iai bteng.
Ha ka juh ka por u la ong don kam pat ban pynneh pynsah ia ka mariang bad ban peit ba ka jaid bynriew kam dei ban jah ka dei ban neh ban sah.(SP News)
