Shillong, jymmang, 22: Mynta ka sngi kumba ha ka por 11 baje ei ei mynstep kila don ki kumba lai ne saw ngut ki khynnah shynrang na kane ka nongbah kiba ym shym la tip kyrteng, ki la leh ia ka kam kaba kham phylla da kaba ki dro ia ka dur ha ka kynroh bad kane ka dur kaba ki dro kaba ym lah ban ithuh ka mut aiu bad ha kane ka jingdro jong ki ha katei ka kynroh ki da thoh ruh “Beware Of Wild 7”
Kane ka jingjia kala jia ha Forrest Colony kaba hap ha ka Lawmali block 4, haba iakren bad ki briew kiba shong ha kane ka jaka mynta ka janmiet ki la ong ym lah ban tip balei kine ki briew ki leh ia kane ka kam khylla bad ki la ong ruh ba ki tei ki khynnah ki dang don tang hapdeng ka rta kaba 20 snem tam ei ei.
Bad la suba ruh ia kitei ki khynnah kiba leh ia ka tei kam ba ki la sdang ban leh ia ka jingmane ksuid, hynrei ia ki tei ki khynnah ym shym la ioh ban kem ia ki namar ki la phet noh na ka tei ka jaka mar ia dep dro ia kitei ki dur kynsha ha kawei na ki kynroh hapoh katei ka shnong. (SP News )
