Shillong, Naiwieng 02: Ka Balang Catholic ka la buh kyrpang ia ka sngi artarik jong u Naiwieng man u snem ba kan long ka sngi kaba kyrpang ban duwai ia baroh ki mynsiem kiba la khlad noh. Ia kane ka sngi la niew kum ka sngi ba kyrpang ia ki mynsiem baroh kiba la khladnoh.
Ha kane ka sngi ia ka jingkyrkhu ia ki lumjingtep hapoh jong ka Arch Diocese Shillong la sdang na Laitumkhrah bad kin but sa kiwei ki parish ha baroh kawei ka jylla niam. Ha kane ka sngi da ki hajar ngut ki briew ki leit sha katei ka lum jingtep ban pynburombad ban duwai kyrpang ia kiba ha iing ha sem kiba la leit sha iing u blei.
Ka jingbuh kyrpang ia kane ka sngi ban duwai na ka bynta kiba la khladnoh ka long ba, ha ka jingngeit jong ka balang kathilik ka long u briew ynda u la khlad na kane ka pyrthei u leit sha u nongbuh nongthaw la jong. Hynrei katba u dang don ha kane ka sla pyrthei ki don ki lait ki let ha kaba kim kiba bit ban leit sha iing u blei, kumba ka don ka jingngeit ba kin don ha ding pynkhuid ha kaba kine ki mynsiem ki don kam ia ka jingduwai lem jong ki ba im ban ia said ha khmat jong u blei.
Ha kane ka sngi ka la donb ka jingknia mass kaba kyrpang ha katei ka lum jingtep ban duwai na ka bynta kiba la khlad noh bad haka juh ka por ka pynkynmaw ia kiba dang im ba baroh ha kaweika sngi yn sa iaid ia kane ka juh ka lynti ban leit sha la u jong u nongthaw.(SP News)
