Jowai, Rymphang 08: U Bah Sniawbhalang Dhar Myntri ka tnad PWD ryngkat u bah M.M.Sun Secretary PWD (R&B),u bah L Passah C.E.NH,PWD (R) ki briew jong ka NHAI u Col.Rajiv Malhotra Project Director NHAI,u T .Kamki, Manager (Tech) NHAI ki la leit jurip ia u surok NH-44 naduh Mihmyntdu Jowai shaduh Malidhar mynta ka sngi, kane ka jingleit jurip ka mih ha dien ba la byrthen ki seng bhalang ha kaba ia dei bad ka tei ka surok.
Kane ka surok ka ba la jot shaduh kaba palat khamtam na duh sunapur shaduh Malidhar kaba baroh ki nongleit nongwan ki ia kynduh jingeh bad ruh kaba wan rah ka jing kylla kali man ka sngi haki ne ki bynta ba sinew u surok .
kane ka jingleit jurip jong kine ki heh sorkar ryngkat bad ki briew jong ka NHAI ka long halor ban peit sanibha ia ka jingman jingling jong une u surok laka don ne em ka jingeh ia ka Company ban pyntrei noh shaid shaid ia kane ka surok kaba don ia ka jingjngai kaba 104.125 Km.
U Bah Sniawbhalang Dhar Myntri ka tnad PWD haba iakren bad ki nongthoh khubor u la ong ba katkum ka jingshisha kam da donkam shuh ia u kum u Myntri ka tnad PWD banleit jongoh ne leitpeit ia kane ka surok namar ba ia kane ka surok la dep aiti sha ka National Highway Authority of India.
Ka NHAI ka la shimti ia ia kane ka surok naduh ka 10 tari Kyllalyngkot 2014 bad ka la kular ban sdang noh ban trei mar mar, pynban hadu mynta ka sngi ympat don dak don shin khyndiat ruh, dei na kane kadaw u Ma Sniawbhalang um ban se ban leit hi da lade ban leit jngoh ia kane ka surok.
U Bah Sniawbhalang u la ong baka jingleit jurip ka jong ki mynta ka sngi ka long ba ka NHAI kaba la aiti sha ka company Simpex Infrastructure Ltd ban pyntrei ia kane ka surok, hynrei ka surki Suki palat ban pyntrei wad lada ka la shinti ia ka kam nadu ka 10 tarik Kyllalyngkot 2014 mynta u snem.
U Col Rajiv Malhotra Project Director NHAI u la ong ba kam don jingeh ne ka jingthud ia ki ban pyntrei ia ka surok ka daw ba sahteng ka long baka Simpex Infrastructure Ltd ka pan por sa lai bnai namar baka dang hap ban pyndep shwa iaka kam shawei hadien pat kansa wanrah iaki tiar kitar ki machine ban sdang noh hi iaka jingtrei u la ong shuh shuh ba ia ka kam ki la shim nadu ka 10 tarik Kyllalyngkot 2014 bad kin pyndep hapoh ka lai snem.(SP News)
