Shillong, Iaiong 07: Ka Meghalaya Pradesh Congress Committee ha dien ba ka la dep ban bujli ia u Chief Executive Member jong ka JHADC mynta ka kwah ban bujli sa ia u CEM jong ka Garo Hills Autonomous District Council u Alphonses A Sangma.
Katkum ki thymmei khubor kiba la lah ban ioh ki iathuh ba ka MPCC ka kwah ba u Chairman ba mynta jong ka GHADC yn wan noh kum u CEM bad ia u CEm yn phah noh ban long kum u Chairman jong katei ka Council.
U Nongai buit jong ka seng Congress ba dei peit ia ka Garo Hills u Salseng C Marak haba jubad ia ki jingkylli jong u SP News Agency u la ong ba “ Ia kane ka jubab lah ban ai tang u U bah DD Lapang bad ka Demora C Marak” ha ka juh ka por une u nongialam jong ka seng Congress ym shym la kyntait ne kubor ia ka jingkylli.
Haba la pyrshang ban ioh ia kren ia ka working president jong ka seng Congress ka Debora C Marak ym shym la ioh kren namar ba ka Mobile ka pah hynrei ym shym la shim. Kit lad khubor napoh ka Congress ki iathuh ba ka jingkyrpad ia u CEM ban hiar shuki kala don hynrei na ka liang jong u CEM ym pat ai kano kano ka rai.(SP News)
