Shillong, Risaw 09: Mynta ka sngi ki briew kiba ym lah ban tip ki la leit ban rung hapoh ka dukan jong ka Meghala
ya Machineries kaba don ha Motphran bad tang ia u wei na pdeng ki ba don ha kane ka dukan.
Katkum ki khubor kiba la lah ban ioh la ong ba la don u wei I briew u ba rung ha kane ka dukan bad u la theh da ka petrol ia u bad ai ding. Katkum ki jingtip kiba la ioh la ong ba ka kyrteng jong u ne u ba shah thang u dei u Vikash Nandwal u khun jong u Jagjit Sing Nandwal.
Kiba ioh ia kane ka jingjia la ong u ne u ba shah thang u la mynsaw jur bad la kit ia u bran bran sha Nazareth Hospital ban ioh ia ka jingsumar. Na ka liang jong ki pulit ki dang tohkit ia kane ka jingjia ban lap ia ki nongleh kam sinew.
Ka long kaba eh ban sngewthuh namar ia ka Matphran la juh pahara da ki pulit namar ka dei ka jaka ba bun briew eh namar ka ia jan bad ka iew bad kane ka jingjia ka la jia hapoh ka constituency jong ka myntri kam poh iing ka jylla.(SP News)
