Shillong, Risaw 30: Ki nongtrei jong ka tand sam bam jong ka sorkar pdeng kaba la tip kum ka Food Corporation of India (FCI) mynta ka sngi ki la pynlong ia ka jingiakhih ka jong ki ha ka ri baroh kawei ban dawa na sorkar ba ka dei ban ai ia ka jingdon kam ka jong kiba ki la dawa la slem bha.
Kane ka jingiakhih ka jong ki ka la sdang naduh ka 17 tarik mynta u bnai bad ka dang iai bteng haduh mynta ka sngi. Ha kane ka sngi ki la pynlong ia ka jingiashong kyllain mungor ha kylleng jong ka Ri bad ha kane ka nongbah Shillong ruh kum juh.
Lada ka sorkar kam sngap ia kane ka jingdawa ka jong ki kin leit ban shah thngan ha iing sah jong u myntri ka tand sam bam jong ka sorkar pdeng naduh ka 19 haduh 21 tarik jong u bnai ban wan.
Ka jingdawa jong ki nongtrei ka FCI kaba kongsan eh ka long ba kin ioh ia ka bai bam tynmen ka jong ki bad kiwei kiwei ki jingdon kam kaba ki dei ban ioh kum ki nongtrei jong ka sorkar. Ka sorkar ka dei ban thung shuh ruh ia ki briew kiban trei ha ka kam namar ka don ka jingduna briew.(SP News)
