Shillong, Lber 13: Ka jingpang Glaucoma ka dei kawei na ki jingpang kiba la ktah bha ia ki paidbah jong kane ka Ri India ha kaba 12 million ngut tam ne palat kila ngat ha kane ka jingpang.
Kumba ka long kane ka jingpang don kam ia ka jingsumar kaba bha bad lada ym lah ban wad ia ki lad jingsumar ka lah ban poi sha duh u pud ba ki briew kin nym iohi shuh. Lada ym lah ban sumar kan poi ka pud ba kin mat lah.
Kum ban pynsngewthuh ia ki paidbah mynta ka taiew yn rakhe ia ka World Glaucoma Awareness Week 2014 bad ia kane ka jingpynshai paidbah kan long ha ka 15 tarik mynta u bnai bad kane ka jingai jinghikai kan long ia ki briew kiba hapoh jong ka 40 snem.
Ban pynsngewthuh ia ki paidbah ha kaba ia dei bad kane ka jingpang na ka lian gjong ka Bansara Eye Care Centre da ka jingiatreilang bad ka Meghalaya Blindness Control Society kila ia rai ban rakhe lang ia kane ka taiew World Glaucoma Week.
Ka BECC kala dep ban pynlong ia ki jingai jinghikai ha kiba bun ki jong jong kane ka jylla Meghalaya bad ki jaka ba la dep ban pynlong ia ki jingai jinghikai kum ha Laitryngew PHC, Mairang CHC, Pomlum PHC, Smit PHC, Nongstoin Vision Centre bad ha Pynursla CHC.
Ka Bansara Eye care kan pynlong ia kane ka jingai jinghikai ha MUDA Complex kane kan long ha ka 15 tarik naduh ka por 10 baje mynstep haduh ka por 3 baje noh phai sngi. Ha kane ka sngi yn pynsngewthuh ia ki paidbah ba kumno ban sumar ia la ki jong ki khmat.(SP News)
