Shillong, Kyllalyngkot 16: Mynta ka sngi ki shipai BSF kiba don ha Ryngku ki la kem ia ki briew kiba wanrah ia u Rynsun na Banglades, ha ka juh ka por na ka liang jong ki pulit kila kem ia ki nongshallan kyiad parsi ha katei ka iew.
Katkum ki tyllong khubor kiba la ioh da u SP News Agency ki iathuh ba mynta ka sngi ka dei ka sngi iew hat Mawdon ha kaba ki briew na ka thain border ki juh ia leit ia wan ha kane ka iew namar ka dei kaba la rim bha.
Katkum ki thymmei khubor kiba la ioh la ong ba ki shipai BSF kiba don ha katei ka jaka kila kem ia ki nong India bad kila ioh ban bat ia kawei ka kali kaba wan kit ia u Rynsun. Ha kane ka sngi la ong ba ki shipai BGB ruh kila kem ia ki khar Bangladesh kiba mut ban wan kiew sha katei ka iew.(SP News)
