Shillong, Kyllalyngkot 17: Ka nongbah Shillong ka long kaba don bok ha kaba la jied ia kane ka jaka ba kan long ka nongpdiang ia ka jingleh burom ia ka jingdap shispah snem ki sinema ha kane ka Ri India ha kane ka jingleh kmen ka ban sdang ha ka 21 tarik mynta u bnai yn pyni ia ka phlim Manik Raitong.
Haba kren ha ki nongthoh khubor u Director ka tnad pathai khubor jong ka sorkar Jylla u Bah H M Shangpliang u la ong ba ia kane ka jingleh kmen yn plié da u Chief Secretary jong ka jylla u bah WMS Pariat. Ka jaka kan long ha Soso Tham Auditorium hall.
Kumba ka long mynta bun na ki nongshna phlim ba paw jong ki phlim hindi ruh kila kular ba kin wan sha kane ka jingleh kmen kane ka long ka burom ia kane ka nongbah Shillong. Ha kane ka jinglehkmen la khot sngewbha ia baroh ba kin ia poi namar ym don kam ban siew ei ei.(SP News)
