Shillong, Nailar 09: U Bah Vincent H Pala MP jong ka Lok Sabha na ka Shillong Pa
rliamentary Seat, u la ong ba ha ka seng Congress u ba kwah ban ia khun election u lah ban pan ticket ym don ba lah ban khang ia u ne ka kiba kwah.
Haba kren ha u SP News Agency u la ong ba u la iohi ia ki jingthoh kiba mih ha ki lad pathai khubor ha kaba ia dei bad ka tiket MP na ka seng Congress. U Bah Pala u la ong “ ka tiket kam dei ka jong nga ne ka jong no jong no ba lah ban kam lypa, ka tiket ka dei ka jong ka seng Congress bad ka shong ha ki nongialam jong ka iano ki ibit ban ai”.
Kum ka seng ka don ia ka jingsynshar paidbah ka pdiang sngewbha ia baroh kiba kwah ban ia khun ia ka election ba kin pan tiket, ka seng kam shym khang iano iano ruh ba ong ia u ne ka wat pan tiket, ynda ka por ka la dei ba ka seng kan sa khot ia ka applikoshon u ba kwah u lah ban pan.
“ Na ka liang jong nga ngam kwah ban ong ei ei ia kane namar ka por kam pat dei, ka seng Congress kam dei kum kiwei ki seng sain pyrthei u ka BSP, lane RJD bad kiwei ba ia ka tiket ki la dep ai lypa. Ha ka seng Congress ka da don ka por ba ki buh ynda la dei kata ka por kiba kwah ban ia khun election ki sa lah ban pan tiket nga ruh kum juh”. La ong u bah Pala. (SP News)
