Shillong Kyllalyngkot 01: Ka tnad ka koit ka khiah jong ka sorkar jylla mynta la lai snem ka la pynsangeh ia ka jingpynmih dawai dait ksew na ka Pasture Institute and Medical researched Institute, Shillong. Ia ka daw jong ka jingpynsangeh yn don ba tip.
Ki thymmei khubor kiba la ioh da u SP News Agency ki iathuh ba ka sorkar ka la shu shim ia ka rai ban pynsangeh ia ka jingshna ia ki dawai dait ksew na kane ka jaka mynta la lai snem bad ia ki dawai kiba don kam na ka bynta jong u paidbah la shu thied na sha bar.
Ka dor jong ki dawai na ka bynta ki briew ki bym don ia ka BPL Cards ka long T.300 shi injek katba na ka bynta kito kiba don ia katei ka Cards ka long tang T.30 tyngka.
Haba ia dei pat bad ki nongtrei kiba don ha ka jaka shna dawai na ka liang jong ka Institute ka la pyndon kam ia ki ban trei ha kiwei pat ki ka kam. Bun ki la pynsngew ba ka sorkar ha ka jaka ba kan pynbha ia kane ka jaka ka la khang syndon pynban.(SP News)
