Shillong, Nailur 02: Ha kane ka jingkhot pakhang shnong ba 12 kynta da ki seng bhala
ng ka la iaid beit khlemda don kano kano ka jingia kaba sinew, lat noh tang ka jingiathang kali, kawang maw bad na liangjong ki briew kam shym don kano kano ka jingduh.
Ha kine ki sngi shuwa ba kan poi kane ka pakhang shnong, ka la don ka jingkawang petrol bom ia ka ktem CRPF ha Mawlai, ka langkyrding, ha Nongmynsong, ka jingshah ther maw ka kali u ADM ha Demsieniong bad ka Mawlai kine ki long ki jingjia ha East Khasi Hills.
Ha kine ki jingjia na ka liang jong ki pulit kila kem 14 ngut ki briew baroh kine ki dei na East Khasi Hills la ong u SP Ka East Khasi Hills u Bah M Kharkrang, na kiba la bat ki don kiba la pynlait bad ki don kiba don ha kti jong ki pulit. Kine ki 14 ngut ki dei kiba don ha kti jong ki pulit.
Ha West Khasi Hills District kam shym don kano kano ka jingjia kaba sngewsih laitnoh ka jingshah thang ki ar tylli jong ka company kaba pyntrei ia ka surok na Shillong Nongstoin sha Tura. Na ka liang jong ka sorkar kan nym ailad ba ki nongleh kam sinew ki lait phet ki pulit mynta ki dang thwet.
Ha Ri Bhoi ka pakhang shong ka la iaid beit khlem da don kano kano ka jingjia ba sngewsih hynrei laitnoh tang ka jing thang ia ki ar tylli ki ophis sorkar kawei jong ka PWD bad ka wei jong ka tand Ri mrad jong ka sorkar.
Na kiwei ki District kam shym don kano kano ka jingjia kaba sngewsih, hynrei ka leit ka wan ha baroh kawei ka jylla ka la thud bad ha kane ka nongbah Shillong ka la kynjah jar.(SP News)
