Shillong, Naiwieng 10: Ki katholik mynta ka sngi ki la pynpaw ia ka jingialang k
awei kum ka balang ha ka jingiaid prosession kaba juh long shisien shisnem ha iing bishop ha Laitumkhrah.
Ha kane ka prosession ki riew ngiet na baroh lai tylli ki Diocese kila ia wan ban ia shim bynta. Kane ka jingiaid paidbah ban pynpaw ia ka jingialang kawei ka jong ki kum ki nongbud u khrist kam dei kaba thymmai hynrei ka dei kaba la don na duh kip or hyndai.
Ka jingpynlong kyrpang ia kane ka prosession kaba ka long mynta ka sngi ka long ba ka Balang katholik ka la buh ba u snem 2013 u dei u snem jong ka jingngeit ia kane ka jingrakhe kaba kyrpang ia ka jingngeit yn sa pynkut ha ka 24 tarik mynta u bnai.
Haba kren ha ki riew ngeit u Arch Bishop jong ka jylla niam Shillong y Rev Dominic Jala mynta ka sngi u la ong ba ka balang ka la buh ia u snem 2014 kumu snem jong ka iing ka sem. Ka jignbuh kyrpang ia u snem ban wan kum u snem jong ka iing ka sem ka long ban pynioh ia ki iing ki sem jong ki katholik kiba iaid beit iaid ryntih.
Ha kane ka sngi da ki lak ngut ki riew ngeit ki la ia poi ban ia shim bynta ha kane ka jingiaid prosession, ban pynpaw ia lade ba ki ia long kawei ha ka jingngeit la ki shong ha kane kano ka bynta jong ka pyrthei ki long kawei ka u trai Jisu.(SP News)
