Shillong, Nohprah 19: Kane ka dei ka sien kaba nyngkong ba ki samla na kane ka jylla Meghalaya kila ioh
ban rung ha ka kam shipai haduh 97 ngut bad la pyndon burom ia ki ha kane ka sngi ba ki mih na kane ka jylla ban leit sha ki jaka ai jinghikai bapher bapher kiba don ha kylleng jong ka Ri.
Ia ka jingkhaweh lama na ka bynta kine ki samla kiba lamih mynta ka sngi la leh da ka myntri kampoh iing jogn ka jylla ka long Roshan Warjri ha ka jingiadon lang ki heh shipai kiba peit ia ka jaka pynrungkam ha kane ka nongbah Shillong.
Ha ka jingkren jong ka myntri kam poh iing ka jylla ka kong Warjri kala ong ba kane ka long ka dak ka shin ba ki samla kane ka jylla ruh mynta kila sngewtuh ia ka jingkordor ban shakri ia ka Ri lyngba ki kam shipai namar ka long ka kam kaba kyntang.
Ha kane ka sngi ki heh shipai kiba la ia don lang ki long uBrigadier RV Singh, Deputy Director General Recruiting, Headquarters Recruiting Zone Shillong lem bad kiwei kiwei ia ka jingialang la pyniaid da u Deputy Commissioner ka East Khasi Hills u Sunjay Goyal.(SP News)
