Tura Risaw 06: Ki nonghikai kiba la shah thung da kaba kontrak ki la pynpaw ia ka jingdom ka jong ki ba ka sorkar haduh mynta kam shym pat lah ban thung pura ia ki kum ki nonghikai ba pura jong ka sorkar . Kane ka kynhun ki nonghikai kila thaw ia ka seng kaba la tip kum ka Contractual SET Pass teachers Association (CSPTA) bad ki la shim ia ka rai ba kin pynlong da ka jingiakhih shah thgnan kaba ar sngi kaba kin sdang ha ka sngi ba ar.
Kane ka kynhun ki nonghikai ki la pynlong ia kane ka jingiakhih ha u bnai Iaiong mynta u snem ba dna ka liang jong ka sorkar ka la dep ban kular ia ki ba ka sorkar kan sa shim khia ia ka jingdawa ka jong ki. Kane ka jingiakren bad ka sorkar ka la dep iaid mynta la lai snem lynter.
U President jong kane ka seng CSPTA u Thengrak M Sangma u la ong ban a ka liang jong ki nonghikai ki la duh jingkyrmen namar kumba ka long ki la dep don ha ki kam hikai mynta la katto katne snem hynrei ka jingshngian ha ka kam kaba ki trei kam don. Ki kwah ban pynsngewthuh ia ka sorkar ba ki nonghikai ki don ia ka jingkit khlieh kaba khia bha ban hikai ia ki khynnah.
Kane ka jingiakhih da kaba shah thgnan kan long ha khmat ka ophis jong u Deputy Commissioner Tura bad ia kane ka jingiakhih na ka liang jong ki seng bhalang kum ka AYWO, Mother’s Union, GSU – South Garo Hills, ki la ai ia ka jingkyrshan ia ki nonghikai.(SP News)
