Shillong, Nailur 11: Ha ka sngi sdang jong ka pakhang surok miet kaba la khot da ki seng bhalang ka la don shibun ki jingjia ha ki jaka bapher bapher jong ka jylla Meghalaya ha kaba bun bah ki kali ki la shah thang bad ki briew ki la shah kem ha ki kynta jong ka jingpakhang surok miet.
Ha ka por shiteng synia mynta ka sngi ki briew kiba ym lah ban tip ki la thang ia ka kali maruti taxi kaba don ia u number ML05D1311 ha Nongthymmai, ha kane ka juh ka miet la thang ia ka trok kaba don ia u numbor ML05G-2625 ha laitkor.
Ki briew kiba ym lah ban tip ruh ki la thang ia ka ophis jong ka tand ri mrad kaba don ha Riangdo ha West Khasi Hills ha kane ka jingjia ki pyrda jong kane ka ophis ki la ieng.
Ki briew kiba ym lah ban tip ki la thang ia ka thuk thuk ha Mower Mawprem kaba don ia u numbor ML05B-9851, ki briew kiba ym lah ban tip ki la kwang maw ia ka dukan kaba don ha Nongthymmai bad ha Rynjah ha ka por ba sdang ka pakhang surok miet.
Ka magistrate kong DM Suja katba ka dang ia pahahra ka la lap ba ki don ki dkhot jong ka seng KSU kiba la bat la ki jri ha ka por 9.30 mynmiet ha ka sngi baa r bad kita ki long u Wilson Ryngkhlem, Kitboklang Lyndem, bad u Rishal Nongsiej la kem ia kine baroh lait ngut. Ki briew kiba ym lah ban tip ki la thang ruh ia ka trok kaba don ia u number AS-01CC-2959 ha Laitkor .(SP News)
