Shillong, Nailur 10: Ha ka sngi sdang jong ka pakhang surok miet kaba la khot da ki seng bhalang ban pynbor ia ka sorkar ba ka dei ban pyntrei kam ia ka ILP ha kane ka jylla kala sdang da ka jingthang kali.
Katkum ka khubor kaba la lah ban ioh, mynta ka miet ki la don ar tylli ki kali jong jong ki riew shimet kiba la shah pynjulor ha ka jingshah kawang petrol bomb ha Nongmynsong Dong Kadiang.
Ki kali kiba la shah pynjulor, kawei ka kali maruti kaba don ia u numbor ML05-0655 bad kawei ka swift kaba don ia u numbor ML05 G 0373, kine ki kali ki la julor ki shaka bad ki wheel cad ha kane ka jingshah kawang petrol bomb.
Ki pulit ki la ong ba kine ki kali ki pynienglang ha juh bad la lap ia u wei u bilor petrol u ba don ha kane ka jaka ba ieng kine ki kali.(SP News)
