Shillong, Nohprah 11: U myntri rangbah jong ka jylla u Dr Mukul Sangma haba jubab ia ka jingkylli jong u nongialam ka liang pyrshah u Cornrad K Sangma u la ong ba ka jingialang jong ka kabinet kan dang shong mynta ka sngi ban ia kren ia kane ka kam bad ka sorkar kan wanrah ia kane ka bill ha kane ka sien shong dorbar kaba mynta.
Haba ia dei bad ki dkhot jong ka committee ban jied ia u khlieh jong ka
u ong ba u wei na ki dei u Chief justice jong ka Guwahati High Court , u Shongknor jong ka iing dorbar bad u nongialam jong ka liang pyrshah.
Haba kren halor kane ka ain na ka liang jong u myntri rangbah ka jylla u la ong ba na ka liang jong ka sorkar ka la shim khia ia kane ka kam dei na kata ka daw ba ka kwah ban wanrah ia kane ka bill ha kane ka sien shong dorbar kaba mynta.
Haba jubab ia ka jingkwah jong u MLA jong ka Jaiaw u Bah Paul Lyngdoh ban don ia ka All Party Meeting halor kane ka phang na ka liang jong u myntri rangbah u la ong ba ka por ka la lyngkot palat ha kaba kim lah shuh ban khot ia kane ka jingialang hynrei ki MLA baroh kin ioh ia ka lad ban ia kren ynda ia kane ka bill la wanrah hapoh ka iing dorbar.:(SP News)
