Shillong, Nailur 12:Ha ka sngi ba ar jong ka jingpakhang surok miet bun tylli ki ophis sorkar ki la shah thang ha West Jiantia Hills District. Na ka liang jong ki pulit ki dang pynlong ia ka jingthoh kit ban lap ia kiba don kti
Mynta ka sngi ha ka por 4.30 baje mynstep ka dieng kala klang kynsan ha ka ophis jong ka tnad thain jain jong ka sorkar, Sericulture & Weaving kane ka la jia ha Dienthare ha West Jaintia Hills District ha kaba kane ka iing ka la julor.
Ki briew kiba ym lah ban tip ha ki kynta pakhang surok miet ki la pyrshang ban thang ia ka ophis jong u Range Officer, Soil & Water Conservation Range kaba don ha Thadlaskein hapoh ka West Jiantia Hills District hynrei da ka jinglap noh jong ki briew la lah ban iada na ka jingjulor kaba jur.
Ha kawei pat ka jaka kaba la tip kum ka Muthlong kaba don ha West Jiantia Hills Disitirct hi, ki briew kiba ym lah ban tip ki la pyrshang ban thang ia ka ophis jong ka Veterinary, kane ka dei ka jaka ai dawai ia ki mrad . Na ka liang jong ki pulit ki dang pynlong ia ka jingthohkit ban lap ia ki riew sniew kiba leh ia kane ka kam.(SP News)
