Shillong, Nailar01 : Ka ioh ka kot ha ka pyrthei mynta ka la kiew bad bun na ki ri jong ka pyrthei ki dang ialeh ban kiew ha kine ki 20 snem kiba laleitnoh , hynrei ia kiba bun ki jingeh jong ki briew ym pat lah ban jubab haduh kine ki sngi. Haki ri kiba riew spah ki la riewspah palat , katba ha ki ri kiba duk ki la nang hiar.
Ka la don ka jingiapher kaba jur ha kane ka juk kaba mynta ha kaba kiba dang ioh ki dang ioh shuh shuh bad ha kiba dangduh ki la dang duh shuh shuh, na ka liang jong ka Green Economics Institute, UK ka la pynlong ia ka jingialang kaba kyrpang ban ia kren ia ka ioh ka kot ha ka pyrthei.
Ka Dr. Natalie West Kharkongor, ka nonghikai jong ka IIM Shillong ka la leitban ia shim bynta ha katei ka jingialang ha kaba ka la ai ka kaiphot jong ka kaba l;a jer kyrteng kum ka “Sustainability Reporting” ban peit ia ka ioh ka kot ha ka pyrthei.
Ha ka jingkren jong ka Dr Natalie ka la pyndon kam ia ka ktien “Jyrngam Benefits”. Ka la ong ba ka jingmyntoi na ka jingjyrngam jong ka mariang ka iapher na kawei ka jaka sha kawei pat. Ka la kyntu ba baroh to ia noh syniang lang ban pynlong ia kane ka pyrthei kaba Jyrngam.(SP News)
