New Delhi Kyllalyngkot 28: Kumba ka long mynta, ha kine ki shiphew snem kiba la leit noh ka rta briew ha kane ka ri India kala jlan da san snem ha ka jingim briew. Mynshuwa ka jingim briew ha India ka long 63.9 snem bad mynta ka la kiew sha ka 67.3 snem na ka bynta ki shynrang bad 69.6 snem ia ki kynthei.
Kumba ka long kala don ka jingduna ha ki briew kiba ioh ia ka jingpang niangkulia. Ka jingjiap jingiap jong ki briew ha ka por ba kha na ka 301% mynta kala long noh tang 4.1 ha ka shisnem. Ka jingpang jem shynieng ruh mynta ka la duna ban ia nujor ba dki snem kiba la leit.
Kane ka jingjlan jong ki briew ha ka jingim ka dei na ka jingkylla ha ki lad jingsumar kiba ka sorkar kala leh ha kine ki snem baroh shi katta, lyngba ki skhim bapher bapher la ka long ha sor ne ki nongkyndong. Ka sorkar ka la theh tyngka na ka bynta ka koit ka khiah la ka long ha sor ne nongkyndong.
Ban pynkhlain shuh shuh ia kane ka jingtrei kam na ka liang jogn ka sorkar ka la pynbun shuh ia ki briew kiba trei ha kaba ia dei bad ka koit ka khiah, kum ki ANM bad ki Asha da 1.6 lak ngut bad 9 lak ngut kiba trei kum ki CHW.
Ka sorkar ka la thaw ia bun ki lad ki lynti kumno ban ai jingiada ia ki briew ba kin ioh ia ka jingkoit jingkhiah bad haduh ban leit sumar ia ki khunlung kiba dang kha ha ki iing ki snem jong ki paidbah.(SP News)
